Asani se digest ho jane wale food.

Asani se digest hone wale food

Asani se digest ho jane wale food kaun se hain? Asani se digest ho jane wale food.  Aaj hum aapko aise foods ke bare mein batane ja rahe hain, Jinhe khane se aapki apach, kabz aur ainthan ki preshani door ho jayegi. Yeh saare food aap pregnancy period mein ya kisi bhi bimari ke dauran bhi khaye ja sakte hain. easily digestible food list in Hindi/Urdu.

Asaani se pach jane ki wajah se aap in khane wali cheezo ko apni diet mein jaroor shamil kare. Unhealthy Lifestyle ki wajah se fast food khane ka craze kafi badh raha hain, jisse aapko apach aur badhajmi jaisi problems ka samna karna padta hain. Junk Food zyada khane se pachan tantra (digestion system) par bura asar padta hain, Jiski wajah se dast, sujan, kabz jaisi problems hone lagti hain.

Asani se digest ho jane wale food aapke digestion system ko healthy banaye rakhte hain. Aise kai khane wali cheeze hain, jo hamare pachan tantra ko accha karke important bacteria hame provide karte hain jo hamare pachan tantra ko healthy banate hain.
Jin logo ka hajama (Digestion system) rahta hain, veh log yeh sabhi cheeze kha sakte hain. Inhe aap pregnancy ke dauran ya phir agar aapka pet kharab hain, tab bhi aap kha sakte hain. Best food for easy digestion in Hindi/Urdu.

Asani se digest ho jane wale food.

1. Daliya :- Isme Fiber, Minerals aur Vitamins bahut zyada quantity mein hote hain. Daliya Magnesium, Phosphorus aur Iron ka good source hain. Daliya khane mein tasty lagta hain aur yeh bahut hi paushtik hota hain. Daliya mein mauzood aghulansheel fiber kabz ko rokne aur digestion system ko healthy banaye rakhne mein madad karta hain. Yeh pet ki sehat ko banaye rakhne aur saath hi pet ke cancer ke jokhim ko kam karne mein madad karta hain.

2. Dahi :- Dahi mein Ajwain daal kar khane se kabz door hoga. Pet ki preshaniyo se preshan log agar apni diet mein Dahi ki sahi matra shamil kare toh yeh unke pet ke liye accha rahega. Isme good bacteria paye jate hain jo pet ki bimari ko theek karte hain. Pet mein jab acche bacteria ki kami ho jati hain toh bhookh na lagne jaisi tamam kism ki bimariya paida ho jati hain. Is situation mein Dahi sabse accha khana ban jata hain. Dahi khana behatar hajme ke liye bahut hi jaroori hain.

3. Hari Pattedar Sabziya :- Methi, Pudina, Bathua, Sem, Beans, Palak aadi mein sabziyo mein iron bharpoor quantity mein hota hain jo women ke liye bahut hi jaroori hain. Pattedar sabziya asaani se pach jati hain aur inhe khane se aapka pet bhi saaf rahta hain. Green Vegetables khane se body mein Vitamin A aur Vitamin B Complex ki kami door hoti hain.

4. Banana :- Kele mein Carbohydrates theek matra mein hota hain aur yeh khoon mein ijafa karke body ki taqat ko badhata hain. Constipation ke mareezo ke liye yeh accha rahta hain. Khana khane ke baad kela khane se khana asani se pach jata hain.

5. Shakarkandi :- Shakarkandi (Sweet potato) dietary fiber aur carbohydrates se bharpoor hoti hain. Shakarkand body ki immunity ko aur bhi behtar banata hain. Aaloo ke mukable shakarkand mein zyada fiber hota hain jo kabz ko door karta hain aur pachan shakti ko badhata hain. Shakarkand mein mauzood Vitamin C aur B Complex, Iron aur Phosphorus immunity system ko strong banane mein madad karte hain.

6. Avocado :- Avocado aisa fruit hain jo easily digest ho jata hain aur digestion system ko bhi durust aur tandurust rakhta hain. Avocado ko aap mash karke chutney bana kar kha sakte hain ya phir usay phal ke roop mein bhi kha sakte hain.

7. Brown Rice :- Brown Rice mein ghulansheel fiber hone ki wajah se yeh khoon ke bad cholesterol yani LDL Cholesterol ko kam karne mein help karta hain. Isme Fiber zyada matra mein hota hain jo kabz ko door karne mein bhi madad karta hain. Dusri aor Safed chawal dast, kabz aur gas paida karta hain. Isliye aapko brown rice ko apni diet mein jaroor shamil karna chahiye. Brown Rice Sugar ke patient ko khane ki salah di jati hain, Vahi safed chawal Sugar ke patient ke liye khatarnaak hoti hain. Brown rice pachne mein asaan hain.

8. Chukandar :- Chukandar ke regularly sewan se kabz se chhutkara paya ja sakta hain. Yeh piles (bawaseer) ke mareezo ke liye bhi kafi faydemand hota hain. Chukandar ka juice piliya, hepatitis, matli aur ulti ke ilaj mein bhi faydemand hota hain. Chukandar ke juice mein ek chammach Nimbu ka ras mila kar liquid food ke roop mein in bimariyo mein mareez ko diya ja sakta hain. Gastric ulcer ke upchar ke liye subah ke breakfast se pahle ek glass chukandar ke juice mein ek chamamch shahad mila kar pina faydemand rahta hain. Chukandar khoon badhane aur anemia door karne mein bhi madad karta hain. Isliye chukandar ko apni diet mein shamil kare. Yeh pachne mein bhi asaan hain aur digestion system ko strong banata hain.

9. Apple :- Apple mein Vitamin A, Phosphorus, Potassium, Vitamin C aur Minerals paye jate hain. Yeh kabz ki samsya ko kam karta hain. Seb mein mauzood Pectin se good bacteria badh jate hain, jisse aant ko healty rahne mein madad milti hain. Seb jaldi se hajam hone wala fruit hain. Seb ko pregnancy period mein jaroor khana chahiye. Yeh kabz ko door karta hain aur yeh pachne mein asaan hain.

Aapne jana ki asani se digest ho jane wale food kaun se hain. Isliye in cheezo ko pet kharab hone ya bimari hone par jaroor khana chahiye. Easy digestion food list in Hindi/Urdu.


Related posts:
बबूल के पेड़ के फायदे
जानिए विटामिन के फायदे, कमी के नुकसान और किसमें पाया जाता हैं.
पानी पीने के फायदे.
जंक फ़ूड खाने से हमारी सेहत को कैसे नुकसान पहुचता हैं?
इन चीजों को कभी एक साथ मिला कर नहीं खाना-पीना चाहिए.
दालचीनी शहद को एक साथ मिला कर लेने के फायदे।
अंजीर खाने के फायदे – Benefits of Anjeer (Fig) in Hindi.
मोटापा कम करने के लिए अपनी आदतों में बदलाव करे।
साइनस की समस्या को दूर करने घरेलु नुस्खे और उपाय।
चन्दन के फायदे, घरेलु नुस्खे और उपाय जरूर पढ़े।
आइये जानते हैं पानी पीने से सम्बंधित कुछ भ्रम और सत्य।
अरारोट पाउडर से होते हैं यह गज़ब के फायदे।